About the Book

ఈ పుస్తకం కేవలం కృష్ణ సంకీర్తన గురించి మాత్రమే కాదు. మొక్కవోని ధైర్యంతో ఒక భక్తుడు “విశ్వవిజేత”గా ఎదిగిన పరిణామక్రమం. దానికి కావలసిన అంకిత భావం, నమ్మకం, దీక్ష, మరియు సంకల్పం. ప్రతి యువకుడు తెలుసుకోవలసిన, ఆచరించవలసిన వాస్తవ జీవిత గాధ.

“తనని పూజించే భక్తుడి కన్నా తన సూక్తులని ప్రజలకి దగ్గర చేసేవాడు నిజమైన భక్తుడు” అంటారు శ్రీ కృష్ణ పరమాత్ముడు. చేతిలో నయాపైసా లేకుండా ఓడ ఎక్కి, నెలల పాటూ సముద్రంలో ప్రయాణం చేసి, ముక్కు మొహం తెలియని విదేశీయుల మధ్య తన అస్థిత్వాన్ని నిలుపుకొని, దారీతెన్నూ తెలియని హిప్పీలను కృష్ణ చైతన్యం ద్వారా ఒక మార్గం లో పెట్టి, ప్రపంచమంతా సంకీర్తనం చేసి, కృష్ణ చైతన్యాన్ని వాడవాడలా విస్తరింపజేసిన ఈ మహనీయుడి కథ చదివి తరించండి.

శ్రీల ప్రభుపాద చెప్పిన ఈ మాట అక్షరాలా వర్తిస్తుంది. ఇస్కాన్ నిర్మాణానికి అయిన ఆ విధంగానే శ్రమించారు 70 ఏళ్ళు పైబడిన వయసులో అన్ని మందిరాలు కట్టటం, అన్ని పుస్తకాలు వ్రాయటం కేవలం కృష్ణుడి ఆశీర్వాదంతో భూమి మీదకు వచ్చిన వ్యక్తులకి మాత్రమే సాధ్యమ అవుతుంది.

ఆనకట్ట కట్టిన తర్వాత ఆ చల్లదనాన్ని, కమనీయమైన ప్రకృతిని, చెట్లని, వాటిపై పక్షుల కిలకిలారావాలు ఆనందించటం సులభం. కానీ ఆ ఆనకట్ట కట్టడానికి ఎవరో ఎంతో శ్రమతో, ఒక యజ్ఞంలా పని చేసి ఉంటారు.